立即下載 U Lifestyle App
蕃茄薯仔湯做法簡單而且營養豐富，想知蕃茄薯仔湯要煲幾耐？蕃茄薯仔湯食譜可以有什麼食材配搭？蕃茄薯仔湯水配搭變化多，可加入豆腐、魚、豬骨來提鮮，簡易3步最快煲一小時就可享用。蕃茄和薯仔好處多，有養顏、抗氧化功效，健康有益。下文的蕃茄薯仔湯食譜做法內附小貼士和秘訣，包括蕃茄薯仔豬骨湯、無肉的蕃茄薯仔豆腐湯、蕃茄薯仔魚湯，新手都可輕鬆煮到！
蕃茄薯仔湯有什麼營養？
蕃茄薯仔湯是常見的家常湯水，富含多種對人體有益的營養素，是老少皆宜的美味湯水之選。蕃茄含有豐富的茄紅素和維生素C，具增強免疫力、抗氧化功效，有助延緩衰老。另一主角配料薯仔則富含碳水化合物、膳食纖維、鉀質和維生素B6，能補充身體所需能量、促進腸道蠕動及改善便秘、幫助平衡體內鈉含量，還能消除水腫。
蕃茄薯仔湯卡路里高嗎？
每碗約250毫升的蕃茄薯仔湯熱量約150-170卡路里（不包括湯渣），若加入瘦肉等配料，熱量會相應增加，減肥人士建議可少吃湯渣，以減低身體攝取的卡路里。
蕃茄薯仔湯做法：蕃茄薯仔湯要煲幾耐？
想煲出香濃美味的蕃茄薯仔湯，時間掌握是關鍵。一般來說，蕃茄薯仔湯最快煲煮 1 小時即可，簡單快捷。若喜歡蕃茄和薯仔呈偏軟爛的口感，可煲煮至 1.5 小時，薯仔質感會更鬆軟綿密，蕃茄的酸甜亦會更入味。
煲蕃茄薯仔湯小貼士 1. 先炒香蕃茄，味道更香濃
薑片加油炒香，放入已切塊的蕃茄，蕃茄炒至軟身出汁，釋放蕃茄的茄紅素和酸味，之後再加水煲湯，湯底會更酸香濃郁。
煲蕃茄薯仔湯小貼士 2. 挑選偏粉質的薯仔，更粉糯入味
鬆軟偏粉質薯仔比爽口的薯仔更適合用於煲湯，薯仔去皮切塊後可先以清水浸泡10-15分鐘，瀝乾後再煲煮，湯頭會更清澈。
煲蕃茄薯仔湯小貼士 3. 豬骨及肉類先汆水，去除血水腥味
豬骨、雞肉需先汆水處理，去掉血水雜質。煲湯時，待水滾後再加入肉類，可避免湯底變得渾濁。另可加數片薑，以辟除肉類或魚的腥味，並增添香氣。
蕃茄薯仔湯食譜推介 1. 蕃茄薯仔豬骨湯
蕃茄薯仔湯酸甜開胃，加入西施骨令湯底多一份清甜肉香，只需一小時就煲好，做法簡單，廚房新手也可輕鬆完成。在悶熱的夏天煲一鍋蕃茄薯仔豬骨湯，美味之餘更是營養滿分！
食材：
蕃茄 2個（抗氧化、延緩衰老）
薯仔 1個
西施骨 4塊
薑 3片（温中散寒）
蒜頭 3粒
紹酒 2湯匙
水 適量
蕃茄薯仔豬骨湯做法及步驟：
- 凍水落薑、紹酒、豬骨，汆水去除血水雜質（*切記用冷水，用中小火慢慢加熱至水滾，雜質浮起。）
- 蕃茄切塊，薯仔去皮切塊
- 燒熱鑊爆香薑片及蒜頭，落蕃茄、薯仔、豬骨及熱水，煲約1小時即成
蕃茄薯仔湯食譜推介 2. 蕃茄薯仔豆腐湯（無肉）
喜歡清淡不濃味的朋友可試試自家製素食無肉版的蕃茄薯仔豆腐湯，低卡路里又健康。蕃茄薯仔豆腐湯的材料非常簡單，只需新鮮蕃茄、薯仔、豆腐、蛋，四款食材即可完成湯水！加入豆腐的蕃茄薯仔湯更為清香不膩，滑溜的豆腐更含豐富含蛋白質、鈣質、維他命D、大豆異黃酮等營養，有助減肥、預防防骨質疏鬆、保持皮膚光滑。
食材：
蕃茄 2個（抗氧化、延緩衰老）
薯仔 1個
豆腐 1磚（富含蛋白質）
蛋 1隻
水 2公升
鹽 適量
蕃茄薯仔豬骨湯做法及步驟：
- 蕃茄洗淨，薯仔洗淨去皮及切塊
- 豆腐切粒
- 鍋中加入蕃茄、薯仔、豆腐，倒入2公升水，開大火煲
- 煲滾後轉細火，續煲1小時
- 打發雞蛋，湯中倒入蛋漿，製成蛋花
- 加鹽調味即可
蕃茄薯仔湯食譜推介 3. 蕃茄薯仔魚湯
蕃茄薯仔魚湯升級加入紅衫魚，湯頭更鮮香！紅衫魚肉質細嫩鮮美，跟酸甜多汁的蕃茄向來是好拍檔，而且紅衫魚富含蛋白質和Omega-3脂肪酸，有助於心血管健康。大家除了以紅衫魚煲蕃茄薯仔湯外，亦可用三文魚頭、黃花魚、石斑或鯇魚頭代替，魚肉可先煎香以去除腥味，令魚湯更濃香。
食材：
紅衫魚 1條（可轉三文魚頭／黃花魚／石斑／鯇魚頭）
蕃茄 3個（抗氧化、延緩衰老）
薯仔 2個
薑 3片（温中散寒）
鹽 適量
胡椒粉 少許
蒜頭 2瓣（可按個人喜好不加）
紹興酒 1湯匙（可按個人喜好不加）
蔥花 或 芫荽 適量（裝飾用）
水 1.5公升
蕃茄薯仔豬骨湯做法及步驟：
- 可先請魚販代為去除紅衫魚的內臟及鱗片；魚洗淨後切成大塊
- 以廚房紙吸乾紅衫魚的表面水分，加少許鹽醃5分鐘，以中火煎至兩面呈微金黃色
- 蕃茄洗淨切塊，薯仔去皮切成厚塊，浸泡清水約10分鐘
- 蒜頭拍扁備用
- 鍋中倒入1.5公升水，加入薑片、蒜頭，以大火煮滾
- 加入蕃茄、薯仔，以中火煮15分鐘，直至薯仔變軟身
- 放入煎魚，以細火慢煮20-30分鐘至入味
- 加少量鹽、胡椒粉調味，另可倒少許紹興酒增添酒香
- 撈起薑片及蒜頭，撒上蔥花或芫荽裝飾即可
更多湯水食譜文章：
