美編力推MUJI熬夜急救set！發酵導入系列／高濃度美容液 平價媲美專櫃級

晚晚做嘢煲劇到凌晨，第二朝起身塊面又黃又暗沉，底妝上極都浮粉？唔洗買幾千蚊嘅 Skin Care，美編最近喺 MUJI 發現咗呢套熬夜急救神仙組合，搭配近年超火爆嘅「早 C 晚 A」護膚法，效果簡直驚為天人！

 

➊ 打通肌膚吸收通道

發酵導入精華棉片 $88

朝早返工超趕？用佢局部濕敷急救！即時降溫保濕兼抹走老廢角質，之後上底妝貼服到爆！

 

發酵導入美容液 $128

質地比較濃厚豐潤，含有超 65% 米糠發酵液！深度滋潤兼緊緻，乾肌或者鍾意滋潤感嘅必入。

 

發酵導入精華液 $98

質地清爽如水！發酵米糠液 + 神經醯胺保濕成分，直接令後續護膚品吸收力爆升 Double！

* 洗面後、爽膚水前使用，3選1即可

 

➋ 「早C晚A」精準狙擊殘樣！

早 C：高濃度美容液 - 維生素 C $188

高濃度15%，打開肌膚通道後朝早用佢，去黃提亮、收細毛孔，秒殺熬夜暗沉！

 

晚 A：高濃度美容液 - 視黃醇 (維生素A醇) $188

夜晚緊接用 A 醇，有效防範熬夜導致嘅膠原流失同乾紋，令肌膚回復緊緻彈性！

 

加碼補水：高濃度美容液 - 菸鹼醯胺 (維生素B3) $188

肌膚極度乾燥缺水時疊加使用，含高濃度10％菸鹼醯胺，即時飲飽水，平復粗糙感！

 

全系列均為無香料、無色素、無酒精，敏感肌都用得超安心！平價就能享受到專櫃級高濃度效果，CP 值高到爆表，夜貓族快啲去 MUJI 掃貨啦！

 

#mujihk #muji #mujiskincare #muji護膚 #今期熱辣辣