入手韓國潮牌真係只有零次同無數次!奈何冇時間成日飛韓國血拼,搵代購又驚冇得現場試上身!原來銅鑼灣有個「香港版聖水洞」,集合大量人氣韓國服飾、手袋、香氛潮牌,唔使飛韓國都可以輕鬆GET韓星同款,一秒變身韓仔韓妹,週末約埋老Best一齊去掃貨啦!
入手韓國潮牌真係只有零次同無數次!奈何冇時間成日飛韓國血拼,搵代購又驚冇得現場試上身!原來銅鑼灣有個「香港版聖水洞」,集合大量人氣韓國服飾、手袋、香氛潮牌,唔使飛韓國都可以輕鬆GET韓星同款,一秒變身韓仔韓妹,週末約埋老Best一齊去掃貨啦!🛍️
1. OSOI
由韓國人氣設計師設計嘅品牌「OSOI」終於開到嚟香港!由韓國設計師 Hee-jin Kang於2016年創立,品牌主打輕奢兼高 CP值路線,比起刻意展現品牌 Logo,手袋設計更著重於獨特建築感輪廓同極簡美學。四大主打款式包括:Boat、Shell、Toni及Shoulder Brocle系列,每款都能展現時尚個性,配搭日常造型質感即刻升級!
地址:香港銅鑼灣波斯富街69號地下
>即睇 “Hforhappiness” 分享OSOI香港首間實體店必買款式<
2. HETRAS
近年紅遍全亞洲嘅「國民香氛品牌」— 「HETRAS」都進駐銅鑼灣!由頂級調香師研製,主打優雅且高CP值香氛及香水,連G-Dragon及其它藝人都多次於綜藝節目分享推介!人氣款包括有GD愛用嘅No.29 Daisy雛菊、Hotel Wood首席調香師香氛。品牌更推出護手霜、洗手液等產品。就到聖誕,作為禮物送俾自己或交換禮物都十分適合!
地址:香港銅鑼灣波斯富街67號商舖
3. STAND OIL
人氣手袋品牌「STAND OIL」主打高CP值且兼具實用時尚嘅手袋,由韓國設計師Kim Ji-hyun於2021年創立。全系列採用純素皮革,式大多設有多夾層及大容量設計,裝得落日常隨身物品之餘又唔易變形!人氣袋款包括Beni Bag、Melly Bag、Chubby Bag等等,無論通勤定日常穿搭都好適合!
地址:銅鑼灣波斯富街69號
4. emis
創立於2017年嘅人氣韓國潮牌「emis」同樣深得Jennie、IU等韓國明星愛戴!主打將美式Y2K元素及韓系隨性休閒風融入日常基本單品之中,當中以標誌性嘅Logo刺繡棒球帽最為經典,現場有齊糖果色系、雙色拼接、水洗牛仔復古等多款設計任您揀,而且唔少網民仲大讚「顯臉小」,行過銅鑼灣一定要入去掃貨!
地址:銅鑼灣波斯富街94號
5. Rockfish Weatherwear
見到復古甜美嘅芭蕾風Mary Jane,相信大家第一時間諗起「Rockfish Weatherwear」!品牌起源於英國,後來更由韓國公司營運,並加入韓風美學,發展成如今精美時尚嘅標誌性芭蕾舞鞋、瑪莉珍鞋、秋冬雪靴等。銅鑼灣旗艦店樓高2層,有齊多款韓星同款鞋子及配飾,每款都靚到好難選擇,難怪深受JENNIE、張員瑛等韓星喜愛!
地址:銅鑼灣波斯富街89號地下
6. Matin Kim
韓國設計師品牌「Matin Kim」創立於2018年,主打隨性型格兼備嘅街頭風風格,加上簡約嘅設計及俐落嘅剪裁,近年成為唔少Gen Z人手必入嘅時尚品牌!其中超人氣必入手牛仔帆布手袋、貝殼肩背包、防風外套等,每件著上身都率性感拉滿,一秒變身為韓仔韓妹!
地址:銅鑼灣啟超道10號地下
7. MARITHÉ FRANÇOIS GIRBAUD
法國品牌「MARITHÉ FRANÇOIS GIRBAUD」自2019年引入韓國,加上由高允貞、Irene、IU等人氣韓星加持,成為MZ世代追捧嘅人氣潮牌。用牛仔布料設計及石磨洗等獨有染色技術起家,主打將法式休閒融入韓系簡約時尚美學,必入手經典三排字LOGO上衣、衛衣、牛仔褲及帆布袋!
地址:銅鑼灣白沙道16號地舖
8. Mardi Mercredi
見到呢個標誌性小雛菊圖案,您就知道係韓國設計品牌「Mardi Mercredi」出品!銅鑼灣店作為品牌喺香港開設嘅首間分店及旗艦店,佔地約2,000呎,有齊經典小雛菊T-shirt、衛衣、帽子、手袋等時尚款,件件都百搭易襯!加上先後由金高銀、IVE 安兪真及SEVENTEEN尹淨漢擔任代言人,實在令人忍唔住一齊加入「小雛菊」時尚風潮!
地址:銅鑼灣白沙道11號地舖
>即睇 “Annielittlecake” 分享Mardi Mercredi門市探店開箱<
【召集全港GEN Z🔥】解鎖新成就🚀出Post即賺錢💰
立即登記➡️ https://ulapp.hk/m2slm
🔔 Follow《U Community社群》Instagram 同讚好 Facebook專頁 ,睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源:IG帳戶@emis_official2017_global、@matinkim_magazine_hk、@marithe_hk、@standoil.hongkong、@rockfishweatherwear_hk_mo、@mardi_mercredi_hk、社群U Creator@Hforhappiness、@Beauty And The Feast、@Annielittlecake































