立即下載 U Lifestyle App
蘇民峰｜面相｜手相｜蘇民峰面相分析｜好老公有樣睇！避開大話精，鎖定這 3 點特徵最錫老婆！點樣睇出佢靠唔靠得住？蘇民峰師傅教路，從門牙就能看穿對方的誠信問題！如果你追求穩定的家庭生活，下巴的闊度決定了他是否愛留在家中。內文整合了顧家男與事業男的面相指南，眼看穿他是否能為你帶來大富大貴的生活！
蘇民峰面相｜好老公有樣睇！最緊要睇呢3點
蘇師傅指出，一個好老公最重要是「顧家」同「錫老婆」。如果你追求穩穩陣陣的幸福，可以留意以下特徵。很多人以為鼻孔露即「漏財」，見到男人鼻孔大就驚。但蘇師傅指出，其實鼻孔略大而微露是「闊佬」象徵！
眼珠大，錫老婆
如果你另一半眼珠特別大，恭喜你！這代表佢心地善良，有人情味。最重要是這類男人通常係「愛妻號」，心腸軟，就算嗌交都好易氹番，打老婆這種事絕不會發生在他身上。
下巴闊大，有責任感
下巴圓潤闊大嘅男人，非常重視家庭生活，錫仔女又錫老婆，一家人關係密切融洽。相反，下巴太尖通常不喜歡留在家中，不喜歡太穩定的家庭生活。
門牙整齊，講話老實
男人最怕講大話！睇門牙就知佢靠唔靠得住。門牙大而整齊，為人老實可靠；如果門牙歪斜或者有大牙縫，就要小心對方的誠信問題！
蘇民峰面相｜事業有成睇眼額鼻
想嫁個「潛力股」老公，蘇民峰師傅提醒，要睇睇對方面相有沒有「貴氣」及「權力」特徵：
鼻樑高直，有權有勢
鼻為財星，亦代表地位。鼻樑高長嘅人，通常事業有成，有社會地位。記住，鼻大唔代表一定好，最緊要係「有肉」且「高挺」。如果鼻孔微露（如圖示），更代表佢出手大方，唔會做孤寒財主，嫁俾佢有福享！
雙顴要高，有權力
顴骨代表權力，但要留意係咪「有肉包住」。顴高鼻高，代表有權有位；如果顴高但鼻低，就容易憤世嫉俗。
額頭飽滿，少年運好
額頭代表智慧及少年運勢。額頭高闊飽滿、無紋無痣，代表佢出身好或者是「富二代」，或者後生時已經行緊好運，分析能力強，係優質股！
蘇民相手相｜伸手即知有無「少奶奶命」
想知自己的姻緣運如何？蘇民峰師傅教只要簡單伸手睇一睇便可知一二，睇睇手掌上的心線（感情線），直言「如果條線生得好，咁愛情生活自然多姿多采，簡直係甜蜜蜜。」
最強運勢：心線末端與生命線相連
如果感情線末端向下延伸與生命線相連，這條線代表「超級幸運」！不單止愛情豐富，更代表這個人有財有勢，不過就要婚後才行大運。
心線現幸福三叉狀
若感情線末端分叉成三條（三叉狀），即代表你會得到幸福快樂的姻緣，同時獲得地位與財勢，是名利雙收的好掌紋。
心線直達食指中指縫
如果你的感情線延伸到食指同中指之間，意味你是個容易被愛情所感動，是個感情豐富的好人。
來源：蘇民峰命理風水網站
髮乾額窄、雙目無神是窮鬼面相？蘇民峰揭4類窮人特徵 教4招自保 免老來窮到燶
想知自己會唔會「窮」一世？成日「餐搵餐食餐餐清」？玄學名家蘇民峰師傅今次教大家睇面相，解構由少年到晚年的四大「窮相」特徵。如果額窄眉亂、鼻扁唇薄唔好彩中咗點算？即刻睇師傅教路嘅「自保法」趨吉避凶！
玄學名家蘇民峰師傅在網上分享了4大「窮鬼」面相，想知道自己的窮路何時到盡頭，抑或是挨多幾年有轉機，就要睇睇師傅教路。
髮乾額窄面相
評語：30歲前無多餘錢
自保法：蘇師傅建議學一技之長，做事以穩陣為主，不求有功但求無過，安心等候30歲後轉運。
眉亂雙目無神
評語：30至40歲失業
自保法：蘇師傅提醒，這類人要努力工作將勤補拙，忌要求多，勿輕易跳槽博加薪。
鼻扁唇薄
評語：40至50歲周身債
自保法：這類人須腳踏實地，打工賺錢，蘇師傅強調「炒股票、炒外匯這些投機活動必然會損手爛腳，就算打麻雀可以輸到借大耳窿，總之要完全戒賭。」
耳削下巴尖
評語：50歲後拿綜援
自保法：蘇師傅提醒，看見自己有這個面相，年輕就要開始積穀防老，不要寄望有子女供養。
4招斷「窮」根
蘇民峰師傅分享了4個方法改變面相斷「窮」根，雖然整容可行，但可行性卻不高。
來源：蘇民峰命理風水網站
原文：港生活
