【網絡熱話】結婚十年驚揭老婆出軌上司！月供4萬做「協議夫妻」變開放式關係!?

如果發現另一半出軌，你可以為了小孩忍受一段沒有感情的婚姻嗎？最近有網民投稿指發現結婚10年的老婆與上司以開會的名義出軌，但因為二人的小孩還小所以不離婚改為有名無實的「合約夫妻」，離婚後亦會支付7位數巨額贍養費以及住宅給老婆，但投稿人竟要求老婆在離婚後不得與新任另一半有小朋友！

有網民在「即係咁講｜匿名投稿平台」投稿，指自己最近發現結婚10年的老婆以開會之名出軌上司，但因二人的小孩年紀尚小，故決定簽訂協議改為有名無實的「職業夫妻」，將來孩子長大成人後會離婚，離婚後亦會付巨額贍養費外，現時的住宅亦會歸老婆，但投稿人要求老婆在離婚後都不得與現時的出軌對象有小朋友而掀起熱議。

同場加映

驚揭老婆出軌上司

同老婆結婚十年，有兩個小朋友，大仔讀小三，細女讀K3。最近我發現老婆出軌，對象係佢公司嘅上司，畀我發現佢哋原來佢schedule寫開會，其實係去開房…我知自己冇辦法原諒佢，但為咗細路，我決定暫時唔離婚。我好傷心，知道陪伴咗我10幾年嘅人，變得好陌生。

簽訂協議成「職業夫妻」

我同老婆簽咗份協議書，佢可以唔使返工專心做「家庭主婦」，我會俾佢每個月$40,000人工佢當返全職，佢要搬去客房瞓，從此我哋只會係有名無實嘅「職業夫妻」。我哋約定，喺細路面前要扮到好似無事發生過。佢可以喺細路返學時去搵佢個上司，我都可以搵第二個。但放學時間一定要返屋企，扮演好父母嘅角色。

離婚後再俾200萬老婆

等到兩個細路都讀大學，我哋就會正式離婚，之後我呢層樓會畀佢，亦會畀多兩百萬佢，從此再無任何關係（我哋結婚前有簽婚前協議，之後財產都會分開計，屋企家族生意都與佢無關）。

禁止老婆與上司生仔

我會負責所有細路嘅開支同家用。佢唔可以同個上司生仔，但我可以同第二個生。因為係佢先出軌，所以條件由我嚟開。我知道呢個安排好似好殘忍，但我覺得呢個係對細路最好做法。佢哋仲細，唔明白成人嘅事。老婆雖然出軌，但都係個好媽咪。至少我哋從來冇喺細路面前嗌交。我真係好迷茫，唔知呢個決定啱唔啱。大家覺得點？有冇更好嘅建議？

來源：《婚後事》劇照