立即下載 U Lifestyle App
婚姻生活理應要包容和尊重，處處斤斤計較有機會影響感情。有女網民之前在fb群組發千字長文，力數丈夫婚前婚後8宗罪，怒斥丈夫堅持「AA制」，每月只給予1000元家用，後期甚至被要求交租，丈夫斤斤計較令她深感不被尊重，自嘲自己如一名「貼錢的工人」，已心灰意冷決心離婚。
女網民力數丈夫婚前婚後8宗罪
該名女網民在Facebook群組「十萬個惡頂老公的惡行」發長文，指與2年半前與拍拖7年的丈夫結婚，而婚前曾經同居一年，雖然兩人相戀已久，但他們的金錢觀念卻一直有分歧，甚至令她覺得從婚前至婚後都不受對方尊重，
「我完全唔理解佢的金錢觀念，亦因為佢呢啲觀念，令我覺得不被尊重，連工人都不如。」
事主力數對丈夫種種不滿
網民支持離婚
帖文引起網民熱議，不少人都批評事主丈夫斤斤計較，要求妻子交租令人咋舌，建議她盡快「斬纜」離婚，「結咗婚要你比租呢吓好痴線，未見過咁計較嘅男人」、「支持你離開，你值得有更好嘅日子」、「呢啲男人甩咗佢係正解，明天會更好，無謂浪費青春」、「只係見到佢搵一個可以夾錢嘅生活合伙人...仲要倒蝕畀佢個隻」。
1. 被迫向親戚借50萬買樓
事主指兩人對於金錢的爭執早於婚前已經出現，她在6年前畢業投身社會時月入只有1.7萬元，當年樓價高企且有家庭負擔，根本無力置業，但當時仍是男朋友的丈夫卻催促她合資買樓。至2019年，政府推出俗稱「林鄭Plan」放寬首置人士的按揭成數措施，儘管她的收入增至2.4萬元，但仍難負擔供樓，丈夫卻依然要求上車，最終她的家人親戚見對方為人專一，決定借出50萬元，丈夫則出資70萬元，以購入一個480萬元的320呎單位。
她續指，由於雙方尚未結婚，為保障親人提出業權寫在其名下，日後結婚雙方都有一半業權，不過丈夫卻不同意，提出由他獨自做業主，並負責全數首期，事主同意並協議將來「夾返租」。然而當她打算將該50萬元退還親戚時，丈夫卻要求將該筆錢用作裝修買傢俬，「我更加唔會SAY YES（同意），寫我名都仲證明到我有拎到錢出嚟，但裝修買傢俬到之後分開，就口同鼻拗。」
2. 家用僅$1000
事主表示，置業之後裝修、買傢電、供樓等開支幾乎所有都「AA制」，另外由於丈夫買樓時比自己多付20萬元，所以她都會在各方面使費「出番多啲」以示公平。至於家用方面，丈夫每月只會上繳1000元，事主指當時大部分家庭開支都要自己倒貼，不過卻不敢有怨言，
「好多日用品和家品照係我買，當時大家未結婚，我理解佢唔敢付出太多啦，但其實明顯地每個月我倒貼好多嘅。我都無乜出聲嘅，話晒佢都畀多我20萬，買餸我都無慳住，盡量餐餐有菜有肉，一星期無兩次湯咁樣，仲有佢唔鍾意啲餸有重覆，同一款餸唔會同一星期重覆出現。」
除了買餸煮飯，事主也要包辦家中大部分家務， 所以同居初期雙方已經有好多爭拗，她形容自己當時卑微如「一個貼錢的工人」。
3. 禮金酒席倒貼
後來二人結婚，男方稱因買樓無錢給禮金，事主更要自費出嫁，「結婚我畀咗$10,000佢，畀禮金我媽，唔使佢畀酒席，就算之後係大陸補擺酒，宴請我女家親戚，都係我哋女家畀錢。」
4. 婚後拒加家用 「$1000畀多你」
儘管事主的收入漸漸比丈夫多，但由於要還錢給親戚，所以每個月財政都不太「鬆動」，婚後丈夫繼續維持1000元家用。不過物價上升但家用不變，變相令事主每月就倒貼更多，不禁向對方抱怨，
「其實我覺得唔係金額問題，而係尊重。家用真係只係計日常買餸、日用品、家品開支？咁已經唔夠開支啦。我仲要付出心機、勞力、精神、時間等。佢只會覺得$1000已畀夠甚至畀多我，又會話『你又唔係日日煮、你又唔係無份食，你自己唔使出錢呀？』」
5.幾乎不會送禮物
事主又指，丈夫向來甚少送禮，婚前只收過一個手袋和一部手提電腦，而婚後對方只用消費劵購買送贈一部蒸焗爐，她自言自己並非貪物質的人，從來無要求對方送贈奢侈禮物，但只想丈夫給她一份尊重，「我真係唔係一個貪錢的女人，而係佢有無尊重過我，佢當我係咩？」
6.不做家務
丈夫一直以來都懶做家務，直至她開始抱怨，對方才終於願意主動分擔家務。
7.被要求交租
至一年多年他們搬到宿舍居住，就將原本的單位放租，丈夫終於願意將家用上調至每月2000元，未料對方同時要求事主交租，
「因為宿舍要交租，佢叫我比$1000租，即係其實我都係維持收$1000（家用），但佢堅持認為已加咗我家用，其實我係佢老婆黎㗎喎！我真係搲晒頭，呢啲係咩LOGIC（邏輯）？之後佢加薪，租金隨薪金而上調，佢話要加我租，我話『吓，咁你家用唔加通脹畀我？』」
她後來再努力爭取，今年家用才增加500元，但扣除宿舍租金實際上家用只有1500元，然而對方卻堅稱是2500元，認為付出已經夠多，令事主相當不滿，
「佢完全無尊重過我精神上的付出。家務助理時薪都過百、外傭月薪都成5000蚊，我仲要係全心全要對佢，但佢點對我？我在意係佢心意問題，但佢完全唔覺自己有咩問題，如果佢坦誠講自己有咩困難，我唔會怪佢，但係佢就儲儲埋埋去擺定期呀、買股票基金呀。」
8.婚後繼續「AA制」
事主指供樓、水電煤等開支全是「AA制」，她坦言無法理解丈夫的金錢觀念，除了日常生活之外，就連去旅行都「AA制」，堅持要帶個「公數袋」，一分一毫都要計到足，「家陣我地係兩公婆呀，點解要咁生外？」她強調自己並非想在丈夫身上索取金錢或物質，只希望對方能體諒及尊重自己的付出，「其實我唔貪心，我只係想佢思想上有尊重我，唔好同個老婆咁計較啫！其實係我量度窄唔識包容，定係我太貪心？」
丈夫的過於計較令事主開始心灰意冷，打算搬走離開對方，然而丈夫卻認自己沒有問題，反指摘妻子才是「搞散頭家」的始作俑者，
「之前點鬧交，鬧分居離婚，我都會堅持住係間屋，因為覺得自己有付出心機同金錢，無理由畀佢獨享，但今次我真係累亦不再存有盼望了，我已在找地方搬，而佢只會話頂我唔順、隨便我。到今日，佢覺得只係我抱怨，係我搞散頭家，其實有無尊重過我？」
同場加映：
決心離婚展新生活
有網民問事主：「如果佢啲投資和基金全部同你聯名，感受會唔會好啲？」，她回覆指不需要，並認同該網民所言「愛好多時樣樣計就變咗質，太計算感受唔到被愛同尊重」，強調自己只想被愛和尊重。她指並非要丈夫將所有薪金上繳，只是希望對方能夠欣賞其付出，「我份工工時又長過佢，放左工仲要煮飯照顧佢同做家務，佢仲要奉旨咁款，係好唔尊重」，自言人生最大的錯誤就是和丈夫合資買樓。
不少人都好奇為何事主明知丈夫為人計較仍要下嫁，她就解釋過去在感情路上曾多次被人背叛，而丈夫感情專一又肯匯報行蹤，再者認識對方時家中有事，亦算陪伴自己走出難關，所以放心出嫁，她笑言：「漸漸意識到點解佢會專一，可能無人接受到佢啦！哈哈，當人生上咗一課，是有過去有歷煉的女人！」
事主表示，已經決定離婚搬走，雙方已有共識會變賣家中的傢俬電器，夾份購買的將會「AA制」分錢，至於單位就會加上對方的名，每人各有一半業權，待樓價回升後就放盤分錢。至於媽媽亦決定將自住的單位放租，一家人搬去三房的村屋同住互相照應。她又指發文後已經得以宣洩，感謝一眾網民鼓勵，決定要放下過去往前行，追求理想生活，
「宣洩完我就move on（繼續前行）了！多謝各位！我會自強生活，努力追求真正想要的生活和開心！」
來源：「十萬個惡頂老公的惡行」、《前度》、港生活
同場加映：
女網民匿名發帖投訴
一名女網民於Facebook群組「十萬個惡頂老公的惡行」中以匿名發帖，表示自己是一名全職媽媽，與丈夫結婚2年，孩子現時2個多月大，家裡有外傭。
丈夫薪金開支逐一睇 嫌$4,000家用太多？
大呻婚後生活分別大
對此，事主指雖然4,000元是丈夫給她的零用錢，但她都有花在家庭上。她又直言並非缺錢，即使丈夫不給她家用也毋須「瞓街」，僅認為4,000元家用很少，「我阿媽零用都1萬8，同親朋友講家用$4,000，個個都話好少，好似畀人笑咁，有啲唔開心，搞到我之後呃佢哋話唔止呢個數」。她明言如丈夫缺錢而給她4,000元家用並無問題，但不希望「佢覺得$4,000係多」。此外，她不滿丈夫結婚前向她承諾的事，婚後卻做不到，甚至覺得4,000元家用太多，
「當初佢娶我前話唔使我返工會養我、話會買樓，而且幾萬幾萬咁買嘢送畀我，雖然婚前畀我發現咗佢唔係咁有錢，但係都唔忍心分開。而家佢畀4,000我，同當初真係好大分別都算，佢可以話唔夠用而畀呢個數我，唔可以話畀$4,000我係多囉。」
對於丈夫結婚後未有兌現諾言，事主坦言感到委屈失望，「因為同佢婚前同我講嘅生活唔一樣，當我覺得自己委屈，期望佢係會努力搵錢/哄番我，而唔係一副4,000已經畀好多我」。對此，事主稱結婚前應先了解另一半的收入，並為此詢問網民意見，
「咁我冇理由結婚後嘅生活衰過結婚前㗎，而且初頭佢扮搵到好多錢，雖然結婚前畀我拆穿咗，最後肯一齊係因為愛佢嘅。我覺得（4,000元家用）少，佢覺得多，其實算唔算多？係唔係我太貪心。」
網民：咁都唔知足 VS 搭的士都唔夠
帖文曝光後，不少網民指事主丈夫已包辦所有家庭開支，家裡又有外傭，認為4,000元家用已算多，事主應該知足，如她仍覺得不夠可考慮做兼職，「好心你唔好咁離地」、「請埋工人畀你算係咁」、「老公全部畀晒算唔錯」、「我放工返到屋企仲要做家務」；但都有網民指4,000元家用實在不算多，「搭的士都唔夠」。
↓ 點 擊 圖 片 放 大 ↓
