立即下載 U Lifestyle App
颱風桃芝｜颱風桃芝吹襲香港，不少上班族都表示十分興奮，因為又有多半天假期！不過對於原本預訂好去酒店Staycation的人來說就十分煩惱，早前有一位網民在網上討論區大呻入住當天遇上3號風球，她只希望更改或取消預訂，不過該酒店就拒絕此要求，隨即引起網民熱議，更反鬧事主是「西客」！
颱風桃芝｜港女大呻要求退款
事主於Facebook群組「香港 Staycation 酒店交流谷」發文大呻，早前預訂了尖沙咀某四星級酒店，卻在入住當天中午天文台便發出「黑色暴雨、三號風球、水浸等警告」，遂向酒店查詢可否更改或取消預訂等安排。事主指當時自稱酒店的負責人以「極不友善態度」回覆，指「現在只是3號風球，天文台/政府沒有公報所有交通工具停止，酒店認為你沒有到達酒店的困難，所以你應照常check in。不過一但check in 就算因改發8號風球而離開，亦無法取消或更改預訂」、「你已付全費，我知道你係一個成年人，如果你覺得危險可以不來」、「難道你認為你的人生安全只值幾百塊(一晚房租) 你認為不安全，可以不來」、「酒店只負責你checkin後在酒店內的安全。 你無法Cheuk out後離開，如果當時是8號風球以上，酒店最多容許late check out 一小時或你可以付費再住一晚，check out時間後，你的安全並不是酒店考慮的事情」。
▼點擊查看更多相片▼
颱風桃芝｜網民紛紛留言「西客」
事主直斥該名酒店負責人相當無禮，更指該酒店「不可一不可再」！不過，大多網民並沒有同意事主的看法，直指酒店職員所言有理，紛紛留言狠批事主「西客」！「完全唔覺得酒店嗰位職員講嘅嘢有咩問題」、「多謝樓主，等大家知道酒店職員做事有原則同合理，就只看樓主一面之詞，就知道係西客一名」、「其實比你改期係人情，唔比都無不合理呀」、「其實間間酒店既取消改期安排，係大家book先前都已經大概知或訂果陣terms會有說明㗎。你打去問無非咪又係問返依啲重覆三篤屁或想r下late check等著數姐。唔啱你聽就數臭人，都幾賤。」、「樓主，酒店業十號風球都營業的，颱風對酒店影響就極少，交通問題不是它責任，客戶自行解決，還有地鐵及的士可行的」、「其實人地講既野都係事實，俾係人情唔俾係道理，黑雨佢都係掛左兩小時姐，黑雨之後你都可以check in。而且佢地8號風球有無同事去服務你？你俾左錢佢佢亦都俾左服務你而你唔去用，咁點解要佢退錢俾你」。
▼點擊查看更多相片▼
更有網民諷刺笑言「酒店好西囉，點解唔準備定賓利或勞斯等8號風球送貴客離開？呢啲好基本，應該每間房都要預備定一架，要送埋去買餸買飯先得，唔係貴客因為入住咗而check out後夜晚無嘢食點算？要blacklist 喇」。
資料來源︰Facebook@香港 Staycation 酒店交流谷, UTravel
