立即下載 U Lifestyle App
連詩雅(Shiga)自誕下囡囡Camila後極速修身，早前與好姊妹黃翠如、陳自瑤合體約會便被網民大讚修身有道「睇唔出生過」，最近Shiga在社交平台分享產後跑步的片段，不少網民都留言指Shiga產後身材明顯大升級，大讚身穿小背心跑步的Shiga「生完仲靚過之前😍」。
Shiga產後身材升級
懷孕期間因手脚纖瘦令網民擔憂的Shiga在產後修身都十分成功，最近在社交平台分享跑步片，身穿小背心及輕薄運動外套的Shiga跑步期間明顯見到身材「升級」，自拍效果震撼蕩漾令網民大派心心emoji以及留言「生完仲可以仲靚過之前😍」、「大奶咗😍」、「生完好似未生過咁？」。
Shiga預告即將復工
此外，Shiga亦在貼文中透露「A little bit of me time🏃🏻♀️➡️睇返個App 對上一次跑已經係上年11月，10個月冇跑，產後兩個月，係咁咦慢跑2.8k（其實係行路快少少😅不過醫生話輕量運動係可以㗎啦），慢慢要恢復狀態，逐漸要回到工作崗位💪🏻💪🏻💪🏻#全程一路跑一路笑住 #享受一下呢個陽光下的空氣」粉絲都相當期待Shiga復工同時提醒Shiga要把握時間休息。
來源 : IG@shi_ga
▶️立即下載U Lifestyle App：https://onelink.to/ulapp3
連詩雅(Shiga)、陳自瑤(Yoyo)、黃翠如因拍劇結緣，但自Shiga產後一直未見3位好姊妹合體，最近Shiga在社交平台上分享三人與囡囡Camila的合照，三人亦把握機會補祝Yoyo生日，網民更被Shiga囡囡在其中一張相中的小表情搶Fo，紛紛留言「太可愛了！」
Shiga囡囡一舉動被網民大讚
坐完月可以出關的Shiga終於同陳自瑤、黃翠如合體了，Shiga在社交平台分享合照並留言「今年帶多位mini me 同你補祝生日 @chenchiyiu，希望你繼續健健康康，開開心心，下年希望星星可以親自同你講生日快樂🤪」簡直sweet爆。三位好姊妹同眼瞓的Camila瘋狂影相，加上壽星女陳自瑤捉實Camila手仔合照，令BB對Yoyo「揮拳」送「兜錘窩面」，黃翠如更表示「睇得出，星星對於我哋要影相影相再影相，有啲嘢想表達😂冇事，好快你就慣啦~」，網民都發現BB在合照中疑似「打瞌睡」的樣子十分可愛大派心心emoji並留言「囡囡想瞓個樣好可愛 ! 」、「Camila好cute!!」。
Shiga囡囡化身美少女戰士超可愛
鍾意幫囡囡扮靚的Shiga最近分享了一則限時動態，相中Camilla換上美少女戰士的服飾並標註老公陳家樂，不少網民都笑稱BB完美復刻了陳家樂當初迎娶Shiga時化身美少女戰士大跳BLACKPINK成員Jisoo的歌曲《Flower》
的造型，家樂亦以「okok」回覆，互動太有愛了~
來源 : IG@shi_ga
▶️立即下載U Lifestyle App：https://onelink.to/ulapp3
剛剛榮升媽媽的連詩雅(Shiga)最近雖然都專心湊囡囡Camila，但她都不忘更新社交平台，最近她分享了自己懷胎十月的變化，更意外曝光產後身材令網民十分震驚！此外她亦晒出BB剛出生與25日後的對比圖，更表示自己同各位剛生產完的媽媽一樣要凌晨泵奶以及有腳腫的問題！
連詩雅化身「曼聯小公主」
Shiga日前在社交平台分享了BB頭戴紅色大蝴蝶結，一雙小手靠在曼聯足球隊的足球的相片，十分可愛 ! Shiga 更配文指BB出世見咗一個禮拜爸爸陳家樂就要入劇組拍劇努力搵奶粉錢，所以在囡囡14日大的時候特登為爸爸拍攝，更透露來到九月，已經進入倒數階段，囡囡好快可以見到爸爸，真係sweet到爆！
連詩雅晒懷胎十月過程
另外，Shiga亦在社交平台發佈自己懷胎十月的影片，可以見到懷孕的不同階段及變化，最後便是她抱住囡囡的甜蜜片段，影片亦意外曝光Shiga產後身材，片中可見Shiga身穿貼身衣服，展現出她纖瘦的四肢以及小蠻腰，網民都大派心心emoji，更大讚「新手媽媽的身材太好了」、「睇唔出生過BB」。
連詩雅BB出胎毒
最Shiga再晒BB近照，她發佈限時動態指囡囡開始出胎毒，雖然有網民擔心BB健康，但亦有網民表示BB出現胎毒是正常現象，通常在出生後會自然消失，無需過份擔心。
連詩雅晒BB滿月相
Shiga上月18日在老公陳家樂的陪同下順利誕下愛女陳星頤，不過由於家樂一直在馬來西亞拍劇，短短逗留幾日陪妻女之後，就要返回劇組繼續開工，早前囡囡陳星頤滿月，Shiga都有趁BB滿月分享她的近照，見到星頤著住白色連身衣，頭戴住可愛的粉紅色蝴蝶結頭飾，相當可愛，特別Shiga捕捉到她睡夢中甜笑的一刻，絕對難得。變成媽媽的Shiga都感慨一切不容易，她留言表示「我嘅寶貝星星一個月快樂。#Camila1monthold #陳星頤 #即係我已經做咗一個月媽媽 #原來餵全人奶真係唔容易 #但係聽好多人講會令到BB免疫力強啲 #咁就唯有辛苦啲啦 #真心真心respect所有媽媽 #我終於體會到啦 #希望星星繼續健康長大」。
連詩雅晒囡囡對比圖有感而發
Shiga分享囡囡出生25日與剛出生時的對比圖，更感嘆「個樣已經爭好遠，真係一天一天都唔同，可唔可以唔好(長大得)咁快?」，早前亦特別安排Camila拍攝初生嬰兒寫真，小公主的寫真以粉紅色為主，非常可愛，同時公布了囡囡的中文名字「陳星頤」，Shiga稱呼囡囡做「星星」Sweet到爆！爸爸陳家樂都留言：「我嘅BB」，連好友唐詩詠、區永權、楊潮凱等都有留言大讚B女好靚女！其實由她懷孕的時候，陳家樂就曾透露自己為女兒改的中文名是「陳徹」，不過幾乎所有人都極力反對，事關諧音變「陳設」，怕她長大會被同學朋友笑。
連詩雅解答生B化妝疑團
上星期平安誕下囡囡Camila的Shiga同老公陳家樂齊齊出post公佈喜訊，更上載一家三口的合照，圈中好友都紛紛留言恭賀外，亦有網民懷疑相中的Shiga化了妝，引起網上熱議，認為Shiga太敬業了，連生BB都要全妝上陣。Shiga日前上載了限時動態回應網民，表示自己在生產前植了眼捷毛，過程中亦使用了對孕婦友善的膠水，所以在生B當日的照片才會看起來化了眼妝。
連詩雅產後驚現腳腫如豬蹄
在陀B時已被網民大讚手腳纖瘦的Shiga看似沒有懷孕水腫的問題，最近Shiga上載自己雙腳的相片到限時動態，並配文「整個懷孕期反而從來冇腳腫過，生之前都完全冇事，但係生完之後竟然腫到豬蹄咁😨😨😨😰」，不少網民都感嘆母愛的偉大外，亦留意到Shiga懷孕期間都有Gel腳甲的習慣，是十分敬業的藝人！
圖片來源 : IG@shi_ga
連詩雅(Shiga)平安誕下囡囡Camila，榮升爸爸的陳嘉樂更感性發文指自己在Shiga臨生前幾星期都要工作未能陪在太太身邊感到「好唔負責任」，更指自己入到產房「緊張到有種窒息感」，二人在社交平台上載全家福後，更引來一眾圈中好友留言祝賀！
連詩雅平安誕下囡囡Camila
在港安醫院平安誕下囡囡Camila的Shiga與榮升爸爸的陳家樂在社交平台上載一家三口的合照，陳家樂更感性發文表示「我以為自己好唔緊張 可以好冷靜去安撫住太太生BB...結果入到產房我係緊張到有種窒息感...唯一講到出口既 只有一句 I love you」真係sweet爆！
陳家樂：我覺得自己好唔負責任
早前Shiga在社交平台上載與老公慶生的相片時使提到老公要去工作，家樂今次在誕下囡囡的貼文都有提到「其實呢段時間，我覺得自己好唔負責任，臨生前幾星期飛左去拍劇，一路都好擔心，但陳太真係好堅強，照顧好自己，仲做好晒準備功夫，BB今日平安出世，媽媽係最偉大」
圖片來源 : IG@shi_ga
