立即下載 U Lifestyle App
因跑步結緣的洪永城、梁諾妍(Inez)夫婦一直都十分熱愛運動，然而Inez今日在社交平台更新近況時透露自己入院做手術，更指自己需要休養一星期，令不少網民感到十分震驚，她更分享自己入院的照片，粉絲都希望她可以好好休養，早日恢復健康。
梁諾妍突然入院做手術
今日Inez上載一則令人擔心的限時動態，拍攝地明顥是醫院，相中可見一些醫院常見的醫療用具，雖然Inez本人未有入鏡，但她都發文指「做咗個小手術，可能要休成個星期先可以跑返步」，令人十分擔心她的健康，相信正在休養的Inez未有精力好好向粉絲多作解釋，網民都紛紛送上祝福，希望她早日恢復健康!
5月曾因乳腺炎入院
早在5月Inez便曾因產後持續發高燒以及胸部紅腫的問題入院，當時她發現自己患上乳腺炎，更表示情況太嚴重有機會需要用針抽膿或者開乳頭放膿，更寄語其他媽媽「千祈唔好好似我咁，辛苦到唔多識形容，個胸都痛到唔識形容...泵都唔好過4-5個鐘，真係會好易塞定時要按摩，吃都要吃得清淡嘟啲（我肯定係星期四食完糯米出事）。」
圖片來源 : IG@inez_leong
▶️立即下載U Lifestyle App：https://onelink.to/ulapp3
洪永城與梁諾妍(Inez)自2021年結婚後，先誕下超可愛的女兒Amber，今年3月再誕下細女Beryl，最近Inez發文慶祝細女Beryl五個月大，更分享了Beryl一系列近照，其中一張相片中囡囡眼下現「士多啤梨痣」引來網民熱議!
梁諾妍發文慶祝細女Beryl五個月大
一向愛在社交平台分享生活的Inez最近就上載了一系列細女Beryl的近照慶祝B女5個月大，相中都是囡囡超可愛的笑容，Inez亦配文「笑佛仔阿妹報到🧡仲有3日就5個月啦😆暫時留意到阿妹性格係好直率好直接，唔係0 就100，開心時就特別開心，唔開心就大爆喊到成幢樓都聽到，一發不可收拾😂😂😂不過大部分時間阿妹都係笑呵呵，個笑容特別治癒呢😚」更指兩個囡囡越大越似老公，所以又講笑話自己現在「一屋洪永城」，網民都紛紛留言好可愛！
洪永城細女「士多啤梨痣」引網民關注
其中一位網民留意到Beryl眼下有紅色的印記以為囡囡整親，Inez就大方分享Beryl眼下的是「士多啤梨痣」，屬於血管增生，通常在出生後1-3個月出現，大慨2-3歲便會開始褪淡成淡紅色或肉色，特別常見於早產嬰兒身上。不少網民都留言「希望BB快啲好翻」，亦有網民建議Inez帶囡囡做激光，但她指妹妹的血管痣近眼，怕傷及眼睛。
