立即下載 U Lifestyle App
常言道「有媽的孩子像個寶」，而對於母親來說，有子女同樣萬事足。話題藝人陳自瑤（Yoyo）日前適逢母親節，亦一樣「愛女萬事足」，囡囡QQ非常識做，為媽媽送上了母親節驚喜，相信Yoyo暖在心頭，但同時老公王浩信似乎繼續冇影！
▶️立即下載U Lifestyle App：https://onelink.to/ulapp3
陳自瑤日前在IG社交平台上上載了兩張相片，分享慶祝母親節的喜悅和幸福，寫道：「寶貝整既母親節早餐」。相中所見，囡囡QQ為Yoyo準備了愛心早餐薄餅，又準備了DIY小禮物和精心的佈置裝飾屋企。見到囡囡咁有心，Yoyo一定好欣慰！
不少網民一如以往「八卦」Yoyo老公王浩信的動態，不過今年母親節似乎繼續零表示，未有在社交平台公開表態。近期忙於開拓內地市場的王浩信，母親節前夕就體驗了成為直播間主播的工作，分享到自己推介的產品和好物。
而在最新一集《香港婚後事》中，一眾主持講到「女方出軌」話題，對於出軌話題，陳自瑤亦再度有感而發謂：「男人又好女人又好，出軌可能只係一時衝動，就係為咗一刻嘅歡愉做錯事，無論做咩事都好，最緊要唔好為咗一時一刻嘅衝動、快樂，毀咗成個家庭，代價好大。」
隨後在「殘酷二選一」環節，陳自瑤同樣接受挑戰，面對「可以重新再揀，選擇單身定係結婚」這個殘酷話題，Yoyo竟然答「單身」，答案耐人尋味。
圖片來源：IG@chenchiyiu
