立即下載 U Lifestyle App
藝人鄺潔楹（Judy）最近客串演出TVB台慶劇《新聞女王》，劇中飾演梳化工作人員Debbie，日前出場正式出場，不少觀眾都猜測鄺潔楹的角色將有異動。Judy挑戰高難度隱藏版神經質角色 ，大方全素顏淡妝客串演出，獲觀眾大讚！
▶️立即下載U Lifestyle App：https://onelink.to/ulapp3
鄺潔楹（Judy）飾演的梳化工作人員Debbie帶點神經質，於性騷擾風波爆發後為曉薇（何依婷飾）化妝時聽到閒言閒語，曉薇出手反擊並獲得Debbie信任，其間Debbie古怪地說了一句：「如果個女仔知道有人肯幫佢出頭，佢一定冇咁難過」，說時不但臉部肌肉抽搐、眼神古怪，說畢還突然落淚，被觸動神經的曉薇即衝入佐治房查問Debbie是否受害人…
談到相關場口，鄺潔楹受訪時笑言遭不少《新聞女王》劇迷朋友追問其角色虛實，並斷言Debbie是Man姐派來卧底，令鄺潔楹哭笑不得。鄺潔楹透露稍後會與阿佘有單對單對手戲：「係今年一份好大嘅禮物，因為首先從來冇奢望過會同到阿佘同場、仲要演對手戲！以前都聽人講話阿佘好玩得、好好人，而佢真係咯！我淨係接觸咗佢一、兩日，都feel到佢一啲架子都冇。」
「我有偷偷地睇佢劇本會寫啲乜，我想知咁有經驗嘅前輩功課會做成點。我見到佢劇本嗰度有大堆對白、大概半頁紙，佢會自己重新喺空白位置寫一次啲對白，我相信以佢嘅經驗佢唔使咁做都得，佢對佢自己嘅功課嗰種認真，我真係好佩服。」
談到難得飾演內向又神經質角色，鄺潔楹坦言只是客串性質，但難度十分中卻佔八分：「初初佳導搵我時，我都擔心自己演唔到，我過往都係做開活潑同埋牙尖嘴利角色，今次第一次要演隱藏版神經質。我做功課時有留意到神經質嘅除咗面部肌肉偶爾會抖動，通常都唔係好敢直視人、會好迴避，但有時又想演但又唔想太有表演痕跡就好難。」
↓更多Judy靚相↓
昨晚Judy說對白時，臉部肌肉果然有輕微抖動，足證做足細節位。Judy又透露造型除了刻意亂髮以符合化妝師身份，還主力淡妝上陣，之後有場戲更會因劇情需要素顏兼化淡唇色演出：「因為場戲想呈現我好虛弱嘅狀態，所以就用遮瑕膏遮咗我原本嘅唇色，基本上冇搽粉底，眼圈都冇乜點遮。其實嗰排我冇瞓得特別多，所以啲眼圈係真嘅。」
來源：鄺潔楹IG、TVB
