立即下載 U Lifestyle App
TVB台慶劇《新聞女王》個案角色相繼彈出，劇中飾演何依婷細妹的陳若思（Amber）是其中一位討論度極高的個案人物。2020年參選港姐入行的陳若思，入行後多以主持綜藝節目為主，代表作品有J2綜藝節目《港女野人》，拍劇經驗相對較少，並多以客串性質演出。陳若思不時都會在IG社交平台大派福利相，不少網民都大讚Amber擁有隱藏級好身材！
▶️立即下載U Lifestyle App：https://onelink.to/ulapp3
雖然劇齡尚淺，但陳若思的演出絕不遜色，飾演凡事與家姐對著幹的MK妹的她，不但每次出場都令人眼前一亮，嘴gel gel態度及言之有理的說詞亦讓網民留下深刻印象：「好得意、髮型也靚」、「你講的台辭也很有道理」、「戲份不多但睇得出用心演」。
↓陳若思《新聞女王》劇照↓
陳若思受訪時坦言是次是首次入劇組飾演有名字的角色：「呢個劇係我戲份最重、亦係我第一個入劇組嘅角色；我之前啲角色都係冇名嘅，做過宮女，客人同埋粉絲。」談到角色造型，Amber笑言沒覺得特別性感，但坦言事前有做功課參考「MK妹」穿搭法，並指最想感激是角色髮型：「我覺得個髮型已經好壞、好猖狂，所以每次一紮起個頭，我都覺得自己特別反叛、好有霸氣，隔籬啲人都會畀我嚇親。」
↓陳若思與《新聞女王》演員合照↓
為了投入角色，陳若思在拍攝期間喪Loop 90後熱捧的MK歌，並於腦海內不斷反覆哼唱增加投入感：「另外我仲有睇啲黑社會嘅電影，我當正自己係女版陳浩南，雖然最後我覺得自己比較似山雞多啲，鬧人嘅時候都係大聲靠惡，我當正自己係黑社會大家姐咁樣去兇依婷。」
談到一出場就兇何依婷的場口，Amber笑言全靠佘詩曼出手幫拖，才順利完成拍攝：「尋晚場戲有句對白係：『我唔想郁呀，一係你爬出去囉』，我無論點講都講唔好，阿佘就提議我伸直隻腳擋住我家姐（何依婷飾），唔畀佢出去，加咗呢個設計後，我即刻覺得成件事順咗。」
↓更多陳若思靚相↓
陳若思又大讚佘詩曼與何依婷都是很好的前輩：「有一次拍promo，因為前面啲人太高，阿佘見到我畀人擋住，佢就話加個apple box畀我墊高。我覺得佢真係好好人，因為我覺得佢冇必要照顧我，而且仲要咁都留意到。依婷都有分享一啲佢做戲嘅嘢畀我聽，佢話啱啱開始做戲時，冇留意到隻眼要好定，因為眼神其實好重要，咁樣上鏡講嘢先至會比較有說服力。」
來源：TVB、IG@amberchann46
