立即下載 U Lifestyle App
現年36歲的陳家樂與34歲的連詩雅（Shiga）日前被爆飛到日本拍攝婚紗照，一對準新人在東京街頭被捕獲。今日，陳家樂與連詩雅正式對外宣布婚期定4月24日，同步在社交網曬出婚紗相，男才女貌非常相襯，吸引大批粉絲留言祝福。
入APP睇美容時尚、明星熱話、網購優惠資訊：https://onelink.to/ulapp3
同場加映 |【美編實測】最強毛孔修飾&持久粉餅！第一名是新上市的○○？
連詩雅留言寫道：「知道一直以來大家都好關心我哋既大日子，原來要籌備一個婚禮，真系一啲都唔簡單。所以想將事情安排得好一點，才公布日子，終於等到陳生，完成手頭上嘅工作，可以拍婚照，然後有張好好睇睇嘅照片一次過公布消息。好開心，今日終於可以同大家正式宣佈呢個喜悅，2023年4月24就係我哋Big Day啦！期待嗰日見到我哋親朋戚友朋友們見證我哋重要既時刻，到時見！！」
↓↓ 點擊圖片 查看詳情 ↓↓
陳家樂留言寫道：「呢幾個月差唔多日日比人問幾時擺酒，問到我鬼咁尷尬。因為我同未婚妻都希望可以準備好晒，影晒婚紗相，有張靚靚邀請卡，先正式公佈。但偏偏呢幾個月又好忙，想放一日假都好難。成個婚禮既準備過程，基本上都冇辦法落手落腳去處理。好在未來陳太真係好叻，一個頂十個，好似打多份工咁，將所有事攬晒上身做，大如酒席，過大禮，細如，老爺奶奶著咩衫都攪得掂。唯獨婚紗相真係要等我先影到，所以公佈既日子一拖再拖。好開心今日終於可以同大家正式宣布！2023年4月24日，係我地既大日子！！！好朋友們！炸彈陸續送到！」二人以陳生、未來陳太稱呼對方，相當甜蜜，預祝一對新人結婚甜甜蜜蜜！！
