立即下載 U Lifestyle App
韓國女團BLACKPINK成員Jisoo身為隊內的顏值擔當，對於各種風格和時尚造型也能完美消化。不過，Jisoo日前出席DIOR巴黎時裝秀時，一襲白色洋裝配搭齊瀏海的新造型卻掀起全網熱話。不少網民認為新造型不適合Jisoo，更意外發現Jisoo在新造型下撞樣緋聞男友丁海寅。
即睇→七師傅爆笑解答傳統習俗｜究竟點解大年初一唔可以沖涼呢？！
日前，作為全球品牌大使兼有「人間DIOR」之稱的Jisoo以一襲白色洋裝配搭齊瀏海新造型出席DIOR巴黎時裝秀，𣊬間掀起全網熱話。從相片中可見，Jisoo罕有地紮起高髮髻並搭配齊瀏海示人，再配上白色洋裝和雪紡襯衫的仙氣造型，使不少粉絲都大讚Jisoo就像一個活生生的「洋娃娃」：「靚到好似公仔咁」、「點解Jisoo可以咁靚」、「成個仙女咁好靚好優雅」、「齊瀏海造型睇落好減齡」、「果然係Dior小公主」。
不過，網民似乎對粉絲的看法不敢苟同。不少網民看到照片後紛紛指新造型十分不適合Jisoo，齊瀏海造型更是「時尚車禍」中的重災區之一：「係咪得我覺得Jisoo今次個look炒曬車」、「Jisoo多咗pat陰之後真係仙氣減半」、「今次個look真心唔靚，著到Jisoo好冇台型」、「條裙著到Jisoo好臃腫」、「Jisoo個瀏海係發生咩事，好顯老」。
↓點擊查看更多Jisoo美照 ↓
此外，有眼尖網民發現Jisoo換上新造型後撞臉緋聞男友丁海寅，笑言女神「炒車都炒得有喜感」：「睇睇下有啲似丁海寅」、「個look係咪特登架，愈睇愈似丁演寅」、「同丁海寅好有夫婦相」、「其實係咪丁演寅男抄女裝」、「明明係時裝車禍，但我嘅焦點竟然放在係Jisoo同丁演寅身上」。
身為女團成員的Jisoo去年以演員身份出道，並與知名韓國男星丁海寅情侶檔出演韓劇《雪降花》，高顏值組合更被劇迷一致譽為「神仙眷侶」。據悉丁海寅是Blackpink的忠實粉絲，不僅記得每位成員的生日，對於Blackpink每首歌曲更是倒背如流，甚至連歌詞分佈也記得一清二楚！在劇集結束後，丁海寅更特地出席Blackpink首爾站的世界巡迴演唱會為Jisoo應援，戲裡戲外都充滿愛火。
來源：IG@sooyaaa__，IG@yuuuuukko_，IG@holyhaein，IG@alexeva90，L'Officiel
