立即下載 U Lifestyle App
現年31歲港姐、華姐雙料冠軍陳曉華（Hera），近年憑多部劇集的亮眼表現，讓事業突飛猛進，更在《萬千星輝頒獎典禮2025》殺入「最佳女主角」最後五強！近日，Hera分享了一輯出席活動的近照，畫面中的她罕有性感示人，盛裝上陣並搭配「震撼級」的巨型天價珠寶，盡顯尊貴氣派！
陳曉華罕有性感look示人
近日，Hera受邀出席國際珠寶展，一身盛裝打扮瞬間成為全場焦點。Hera穿著一襲低胸黑白雙色晚裝，大方展現精緻白滑鎖骨與傲人的魔鬼身材，誘人事業線若隱若現，盡顯成熟性感。網民紛紛表示目光難以從她的美貌移開，留言：「媽咪你真係365無死角💎✨」、「這就是公主吧🤤💞」。
巨型天價珠寶盡顯高貴
在國際珠寶展上，Hera無疑是全場最璀璨的焦點。她身穿黑白低胸晚裝，完美襯托出頸上價值800萬元的天價翡翠鑽飾。她接受訪問時大爆小時候曾拒絕父母送的翡翠，如今才驚覺翡翠的珍貴。被問到緋聞男友朱敏瀚送翡翠會否加分時，Hera則展現出超高EQ，指只會接受父母與閨密的重禮，巧妙化解緋聞攻勢。
圖片來源：IG@herachann
同場加映
曾因過度活躍長期被同輩欺凌
陳曉華原來小學至中學階段她屬寡言孤獨內耗一族，她說：「我細個過度活躍，好鍾意搶住講嘢，同學睇唔慣就Bully我，變咗我唔敢講嘢，驚得罪人，試過喺小五、小六兩年無講過嘢，變得怕事內向。」
她披露讀畢中大護理系同年參選港姐的主因，「一直覺得自己好細路女，好易喊好易放棄，一俾人打擊就匿埋內耗，連大學都係咁。畢業走去選美，就係好想要個過程，好多人話選美可以令人極速成長，純粹想正式做護士前極速成長。」
卸任後即被力捧拍劇
當時的Hera，一心落選就專心做護士，「從來無覺得自己靚，如果做到幾年演員就幾年，無諗過會做到女主角。」選美改寫Hera人生，不單兼奪港姐華姐冠軍，卸任後即被力捧拍劇，20年先任《迷網》女二，翌年的《異搜店》更首任女一，惟Hera於《迷網》中的處女演出，招來一致負評，「係俾人圍插，最在乎係話我黐脷根，我唔怕俾人話我醜話我長頸鹿，係驚黐脷根成世都改唔到！」
咬酒塞讀報紙改善黐脷根
Hera又感激好友何廣沛當時的陪伴及幫助：「好在當時拍緊《異搜店》，就嘗試改。當時會匿埋公司廁所同喺車上喊，何廣沛係陪我經歷呢個低潮。」談及怎改善黐脷根，Hera稱試過努力咬酒塞讀報紙等方法，最後再跟兩位老師彭秀慧及邱頌偉學戲，重構性格學懂放鬆，解決一讀對白就緊張的間題。
曾因畀唔到家用後悔入行
原來Hera也有過後悔入行的階段。被問及卸任港姐初入行的薪酬跟護士比較，Hera說：「哈！唔識答！總之我曾經後悔入行，有認為自己任性的階段。我入行淨係想照顧到爸爸媽媽，佢哋供書教學咁多年，但我一出嚟做嘢連家用都畀唔到，係咪一世都係咁呢？係有一段時間因為賺得唔多而後悔，從來無諗過而家終於賺到錢。」直至去年叫作賺到錢養家。
