黃宗澤急速衰老被指暴瘦皺紋湧現？！曾被誤認78歲鄭少秋？一原因被批更顯老？！

黃宗澤不婚主義承諾過億身家給伴侶 緋聞女友蔡潔一個表情耐人尋味！

黃宗澤擇偶條件係蔡潔？

早前黃宗澤與蔡潔、羅子溢和丁子朗一起作客網上節目《絲打圍爐》，而單身多年的Bosco亦在節目上大談愛情觀。當蔡潔問他的擇偶條件時，Bosco竟零避嫌直言：「好似你咁」大讚蔡潔有才華有美貌，此言一出就令眾人嘩然。對於曾表示與對方只是好朋友，沒有發展空間，怕不怕自打嘴巴時，Bosco又指：「又唔使死嘅」似乎對二人關係更進一步的可能性，保留餘地。

黃宗澤不婚主義

不過在節目上Bosco亦再次強調自己是不婚主義，一直以來都沒有改變過自己的想法，對結婚沒有憧憬，而羅子溢聞言就追問：「如果遇到一個真命天子呢？」之後Bosco就表示：「真命天子我們可以不結婚，但在一起」羅子溢再問：「如果到時你真係好想畀幸福呢位真命天子呢」，Bosco更豪氣地答：「咁咪成副身家畀晒佢囉」

蔡潔一個表情疑似洩蜜？

不過在二人講到「真命天子」的話題時，蔡潔就默默飲茶，更忍不住望實Bosco，不少網民都認為蔡潔的表情已出賣真實情感：「蔡潔和 Bosco 真係好吸引」、「蔡潔擺明鍾意Bosco啦」、「蔡潔對眼冇離開過黃宗澤」、「似係蔡潔鍾意Bosco 但Bosco冇Feel」、「蔡潔個樣似係鍾意Bosco 勁緊張」、「蔡潔個樣勁冧」

獲網民大讚愈嚟愈有氣質

劇集製作方邵氏兄弟，早前在社交網上載蔡潔與黃宗澤拍攝的情侶視頻，雖然二人只是以靚靚姿態在鏡頭面前轉圈圈，但由於蔡潔樣子標緻、身材線條一流，加上做了一個將手伸向黃宗澤的小動作，因而在網絡引發熱討。

一個動作與Bosco緋聞再升溫

片段令二人緋聞再度升溫：「蔡潔想牽黃宗澤手」、「這個勾手太自然了，希望他們在一起」、「很有夫妻相」、「蔡潔看落只像20多歲」、「樣子氣質越來越好」、「又高又瘦又白又美麗又可愛」。

網民激讚：蔡潔嗲Bosco勁正

先後合作過《法證先鋒V》、《驅魔龍族馬小玲》、《法證先鋒VI：倖存者的救贖》及《執法者們》等共八部作品的「菠菜CP」（黃宗澤＋蔡潔），原來是次是首度演情侶，且一嚟便甜蜜指數極高，除有親嘴戲（PS不止一次），昨晚的床上戲亦是極盡溫馨。鏡頭所見，陽剛味十足的黃宗澤，攬著皮膚雪白的蔡潔、畫面唯美，之後二人的互動更與真‧夫妻無異，黃宗澤眼見背著自己的蔡潔未瞓醒，溫柔地親吻對方頭頂。

床戲超溫馨再惹關注 

之後被弄醒的蔡潔，輕輕皺眉後即轉身攬著黃宗澤，並以柔弱又嬌羞的眼神細細聲說自己想吃「沙嗲牛麵」，齋聽都感覺甜到漏！另之前蔡潔為黃宗澤煮飯一幕，除了蔡潔的賢慧Style備受關注，黃宗澤騙蔡潔留下來後、二人在餐桌上的甜蜜互動，也是望落愛意滿滿，有網民直言：「蔡潔嗲Bosco勁正」，難怪二人傳緋聞！

蔡潔視黃宗澤為定心丸兼學習目標：佢好得人鍾意 

對於與黃宗澤演感情戲愈來愈有Feel，蔡潔接受官方訪問時坦承黃宗澤是其學習目標，並大讚對方好得人鍾意：「我拍第一套劇《飛虎2》已認識佢，當時佢隻腳受咗傷，而我有好多場口要同佢一齊完成，嗰刻我真係見到佢好專業，佢會忍住身體上嘅不適、去完成好多不可能任務。而且佢好得人鍾意，劇組上上下下都好喜歡佢，因為佢對人好真誠，我都成日提醒自己要向佢學習。其實我哋每次再碰面，我都會希望自己做得比上次好，無論係個人嘅演出、或者係大家嘅互動，佢都激勵到我進步。」

又笑言黃宗澤是她的定心丸：「我好榮幸入咗公司呢六、七年，可以同Bosco合作咁多次、成為好好嘅朋友。其實嗰時我拍《法證V》啱啱擔正，係好緊張嘅，所以當身邊嘅拍檔係好朋友時，個緊張情緒會有舒緩；我好多嘢都會問佢意見，如果佢肯定我，我係會定好多，都好感恩喺自己成長路常常都遇到佢，令我踏實好多。」

蔡潔開心動作戲獲讚：嗰幾秒對我嚟講並不容易

除了感情場口交足戲，蔡潔昨晚亦先後在停車場及執行海關工作期間展現好身手，蔡潔笑言「並不容易」：「雖然拍出嚟只係幾秒，但對我嚟講係並不容易，但我都係開心嘅，因為嗰兩場動作戲，可以show到我角色工作時嘅專業、表達到現代女性喺工作上嘅專業態度。同埋好多謝武指同所有工作人員，因為佢哋教識我點去擺靚啲甫。我想講，雖然係咁簡單嘅打戲，但我都係扭親咗少少手指公。」