立即下載 U Lifestyle App
現年32歲的前TVB小花陳詩欣（Eunice）憑《3日2夜》和《學是學非》而為人熟悉，2021年，她與圈外有錢老公陳爾正（Joshua）結婚，婚後便淡出幕前並轉型為KOL。經常在社交平台與粉絲互動的Eunice，近日好事一波接一波，除了成為新手媽媽及囝囝滿月外，老公亦榮升馬主，Eunice隨即發文為老公慶祝，而相片中的一物即引起網民討論，一起來看看詳情！
陳詩欣晒50萬愛馬仕慶祝老公做馬主
近日Eunice在社交平台上慶祝老公榮升馬主，為支持老公的愛驅「金蘭兄弟」首次出賽，她特意盛裝打扮﹐並晒出一款限量版愛馬仕手袋，Eunice更在相片上寫著「做左阿媽之後，真係好難拎啲靚袋出街，難得陳生隻馬第一次跑，拎隻小可愛出來」。有網民就發現該袋型是上年推出的限量款Hermès Quelle Idole Bag（又稱為Kelly Doll Bag），市價接近50萬港元，亦是Eunice人生中第二個愛馬仕「藍盒子」。
↓↓點擊放大查看陳詩欣晒愛馬仕的照片↓↓
婚後享闊太生活
Euncie婚後愈見富貴﹐除了與老公同住逾千呎的半山豪宅外，又經常周遊列國，更大晒全身名牌，無論衣物還是家中的餐具也大有來頭，而她的名牌手袋更是多不勝數，她不時在IG晒Hermès收藏，當中包括Birkin、Kelly、Constance、Lindy及Evelyne等款式，她亦有不少Chanel手袋，看來生活相當奢華！
↓↓點擊放大查看更多陳詩欣的照片↓↓
圖片來源：IG@eunicehanszeyan
同場加映：
一直是愛馬仕粉絲
陳詩欣一直是忠實「馬迷」，經常一身富貴行頭，又收藏多款愛馬仕手袋，包括Birkin、Lindy、Evelyne、Kelly等等，她亦曾大方分享自己的配貨，包括一大堆名貴愛馬仕餐具及水晶馬等。兩公婆亦經常出入「馬場（專門店）」，老公Joshua亦愛戴富貴得來低調的H牌Cap帽。
愛馬仕鞋2秒報廢
早前陳詩欣外出時，因為一時手快快，竟然整爛腳下愛馬仕靚鞋。她上載短片，只見她跪地扶實玻璃門，又嘗試拔出攝在門罅的黑色皮拖鞋，但未能成功。她寫道：「今日去家姐舖頭，懶係快咁除鞋之後閂門，結果我對鞋攝住咗…攝到好實！點算好？？在線等。」及後她表示：「對鞋已經爛咗，而家門又閂唔到，鞋又拎唔到。」最後她都取回鞋子，可惜鞋墊的皮革已經破損：「呢對鞋真係我的最愛…雖然你爛咗，我依然愛你。」原來這對黑色銀扣皮革拖鞋是愛馬仕出品，盛惠$10,200，難怪她如此肉赤！
曾弄污別人愛馬仕毛氈
陳詩欣的烏龍事絕對不止一件，她隨後分享自己弄污別人的愛馬仕毛氈！她寫道：「我都唔知點解呢啲咁嘅事成日喺我身上發生，可能我個人真係比較…有邊個會諗到我飲杯太興嘅奶茶，成杯奶茶會倒咗落去人哋屋企新買的H毛氈上，嚇到當時的我鼻哥窿都冇肉。我第一時間唔係諗錢的問題，而是喺度諗我點樣可以買返一條咁靚淺灰色的毛氈（大家都知道一條咁熱門的毛氈真係好難買），好彩最後乾洗成功，我幫大家實測咗奶茶係洗得甩㗎，報告完畢。」
整套愛馬仕收藏超過6萬超富貴！
Eunice在社交平台上分享一系列愛馬仕家品，表示自己的家中原先已有9只馬頭造型的水晶，只差一個就集齊整套系列並表示，（之後就開始巨大馬頭系列）。據官網資料顯示，每一只水晶馬頭約1萬2000港元，而Eunice家中全部的造型加起來則超過6萬，可想而知其富貴程度！
老公陳爾正學霸一名、回流後身兼多職！
不過網民見到後都不太驚訝，因為Eunice老公陳爾正過去一直是城中筍盤，中學就讀名校聖保羅書院，之後大學就到英國入讀倫敦藝術大學倫敦時裝學院！回流後返港從事文化創意產業，同時也是活動創辦人兼Party、演唱會搞手，難怪Eunice過著少奶奶生活。當年Eunice結婚時11隻巨型龍鳳鈪，不少網民網民笑言完全搶去新娘子風頭！
圖片來源：IG@eunicechanszeyan
原文：港生活
