立即下載 U Lifestyle App
快將迎來65歲生日的黃子華，日前獲一眾好友劉嘉玲、蘇玉華、楊詩敏（蝦頭）等提早慶生，劉嘉玲就在社交平台上分享當時的合照，相中更可看見黃子華與一名女子行為親暱，關係似乎非一般！
黃子華疑有新戀情
從合照中可見，黃子華雙手捧著蛋糕，被一名年輕女子從後擁抱，並將頭貼迎黃子華的肩膀上，舉動非常親密，不少網民看到照片後都好奇兩人的關係，留言「抱著子華的是他女朋友嗎」、「應該是。這個姿勢很親密。」有網民推測該名女子是舞台劇演員黄呈欣，並指兩人或許因合作舞台劇而日久生情。
↓ ↓點擊放大查看黃子華生日的相片↓ ↓
黃子華拒結婚曾歷4段情
黃子華入行多年，感情生活一向保持低調，親口承認的女友只有4位，包括TVB女星潘芳芳 、模特兒劉婉君、年輕16歲的化妝師溫安妮以及有翻版范曉萱之稱的女子。雖然年過花甲，黃子華仍然堅拒結婚，他曾表示自己因原生家庭的問題，而對婚姻毫無憧憬，認為一紙婚書並無特別。
↓ ↓點擊放大查看更多黃子華的相片↓ ↓
圖片來源：FB@黄呈欣、IG@carinalau1208
同場加映：
黃子華《破．地獄》金句
黃子華金句1. 電影2024 《破．地獄》
「嗰邊紅館每晚都喺到開Show，呢邊殯儀館又係每晚都喺到開Show」
黃子華金句2. 電影2024《破．地獄》
「你哋喃嘸就係負責超度先人，我哋行街（殯儀經紀）就負責超度生人」
黃子華金句3. 電影2024《破．地獄》
「生人都要破地獄，生人都好多地獄」
黃子華《毒舌大狀》金句
黃子華金句4. 電影2023《毒舌大狀》
「我唔怕班契弟，因為我最契弟」
黃子華金句5. 電影2023《毒舌大狀》
「十個人都有九個帶住後悔入棺材，我唔想係其中一個」
黃子華金句6. 電影2023《毒舌大狀》
「邏輯嘅嘢，今時今日，又真係好難要求個個都有」
黃子華《飯戲攻心》金句
黃子華金句7. 電影2022《飯戲攻心》
「幸福最大障礙，就係對未來太多期待。」
黃子華金句8. 電影2022《飯戲攻心》
「你係大佬，佢係勾大嫂，佢係二佬，你搶佢返嚟，你咪勾二嫂囉」
黃子華金句9. 電影2022《飯戲攻心》
「屋企人喺邊，邊到就係屋企」
黃子華《男親女愛》金句
黃子華金句10. 電視劇 2000《男親女愛》
「正所謂，一千幾百，猶如垃圾，富貴於我如浮雲…… 但浮雲於我如命根啊」
黃子華金句11. 電視劇 2000《男親女愛》
「返工不在乎天長地久，只在乎有無得唞」
黃子華《奸人堅》金句
黃子華金句12. 電視劇 2007《奸人堅》
「損人先利己，打贏靠暗器」
黃子華金句13. 電視劇 2007《奸人堅》
「有恩不報未算差，有仇不報正人渣」
黃子華《My盛Lady》金句
黃子華金句14. 電視劇 2013《My盛Lady》
「人係感情嘅動物 戲假可以情真」
黃子華金句15. 電視劇 2013《My盛Lady》
「婚禮最緊要唔系黎幾多人，而係要黎既都黎齊」
黃子華 棟督笑金句
黃子華金句16. 棟督笑 1990《娛樂圈血肉史》
「依個世界只有一樣嘢講好過做嘅，就係馬克思主義」
黃子華金句17. 棟督笑 2012《娛樂圈血肉史2》
「只要我一講無論如何，下面嘅嘢就好似好有道理㗎喇」
黃子華金句18. 棟督笑 2010《嘩眾取寵》
「點解啲人又叫地府陰間、又叫地獄講到咁恐怖呢？ 因為嗰到肯定係全世界通貨膨脹最高嘅地方啦！寫親銀紙張張過億，李嘉誠落到去先知自己都係窮人，仲要燒親唔係幾張咁計，係幾斤咁燒落去」
黃子華金句19. 棟督笑 2012《洗燥》
「劉青雲講過，做人無公關，你食屎㗎啦」(取自電影《旋風腿》中，劉青雲對黃子華講過的對白)
黃子華 樓市金句
黃子華金句20. 樓市金句 2006《兒童不宜》
「人類嘅食物鏈簡單好多，只有三種。最下層係無產，中層係中產，頂層係Ｘ家產！係絕無不敬嘅成分，因為頂層唔係房產、權產就係遺產，名符其實Ｘ家都係產，所以我哋好多時叫Ｘ家產會加乜嘢？Ｘ家富貴」
黃子華金句21. 樓市金句 1994《末世財神》
「你只需擁有一層500呎嘅樓，閣下就係富豪。依家唔買，遲啲要做300呎富豪，再遲啲係100呎富豪」
資料及圖片來源：YouTube@tzewahofficial (黃子華DayoWong棟篤笑-官方頻道)、YouTube@EmperorMotionPicturesOfficial、FB@TheLastDanceMovieHK、IG@dayowong_quote、IG@tableforsix_movie、IG@emperormotionpictures、IG@aguiltyconscience_movie
來源：港生活
