立即下載 U Lifestyle App
育有一對仔女的張繼聰與謝安琪，一家四口不時亮相公開活動非常幸福。早前中學畢業的大仔張瞻（James）日前就踏入18歲生日，來到人生的重要時刻，爸爸張繼聰亦有一番感受，兩父子更復刻18年前的舊照，讓不少網民十分感動！
不忘發揮搞笑本色！
張繼聰在仔仔踏入18歲的生日時就分享在仔仔剛出生時的經歷，他笑言想同大家分享「有樣好癲嘅嘢」。原來就是2006年知道成為爸爸的一刻，就開始計劃每日寫兩篇日記，為期10個月，「一篇係俾老婆嘅，等佢坐月嘅時候睇，解吓悶；另一篇，就係寫俾未出世嘅囝囝。後來，差唔多300篇嘅日記，喺2007年結集成書，成為《2.7cm的花生米》，當時我諗住等個仔18歲，親手送俾佢。」而張繼聰在今年就送上這本書給仔仔，笑言當仔仔睇完整本書就知道爸爸有幾勁，「呢份禮物，鋪排咗咁多年，猛啦掛？最後，我想多謝老婆，多謝你養育咗一個咁優秀嘅小朋友。」但最後張繼聰不忘發揮搞笑本色，還原一張在書裡面其中一張舊照，就是高舉仍然是BB的張瞻，不過此時的張瞻已高過爸爸，張繼聰影完之後笑言「影完條腰就斷左」。
兩父子曾交流「追女經」
其實過去張繼聰透露過與仔仔的關係就如同朋友一樣，甚至在仔仔讀中學期間會交流「追女經」，認為多拍拖才會真正認識到自己，遇到真命天女就會好好珍惜。而他與太太謝安琪早前亦安排好仔仔到外國讀大學，在早前仔仔張瞻的中學畢業照相中見到，即將入讀「Bachelor of Education & Bachelor of Science – Primary Education」雙學位課程。
張繼聰與謝安琪在2007年結婚，先後誕下大仔張瞻（James）和囡囡張靖（Kakaball），一家四口生活美滿融洽。哥哥最近剛中學畢業，囡囡Kakaball完美遺傳父母的表演慾，她早前孖張繼聰父女檔拍廣告，愈大愈靚獲封「小林明禎」！張繼聰和謝安琪女兒張靖（Kakaball）自小便遺傳父母的演藝基因，骨子裡充滿表演細胞，不但精通唱歌和跳舞，而且樣貌可愛趣緻，十分吸粉！Kakaball自小被外界指出與爸爸餅印樣，不過正所謂女大十八變，Kakaball越大樣子越標緻，一頭天然卷髮的她更越來越像媽媽謝安琪。
▼點擊查看Kakaball小時候照片▼
近日有廣告商邀請Kakaball接拍銀行廣告，這亦是她第一次與爸爸張繼聰父女檔拍廣告。從拍攝當天的花絮照可見父女倆換上太空人、運動員等多個造型，Kakaball在鏡頭前毫不怯場，而且表現得精力充沛十分雀躍，看來完美父母的演藝基因，甚有張繼聰5歲便入行做童星的風範。
▼謝安琪囡囡Kakaball首次拍廣告▼
相中所見，Kakaball留有一頭長曲髮，表情動作多多，非常趣緻；亦有網民留意到她五官愈來愈深邃，由昔日單眼皮小眼變成雙眼皮大眼，似足一樣是美人的謝安琪，獲不少網民大讚是美人胚子！網民紛紛留言：「Kakaball!!!好可愛呀」、「你咁快就開啟事業大門，做小童星」、「辛苦曬 KaKaball 又聽話又有禮貌 好叻叻」
早前，張繼聰在個人社交網貼出一張女兒換新髮型照片，可見一向天生曲髮的Kakaball換上的長直髮，網民紛紛表示新造型煥然一新，「變左第二個人」、「直髮也好靚女」。該照片Kakaball更一度獲網民大讚撞樣「大馬女神」林明禎，封她為「小林明禎」。
來源：IG@張繼聰、IG＠kakaball323
同場加映
