立即下載 U Lifestyle App
現年31歲前TVB藝人梁茵（Kiko），憑著《愛回家》中飾演「威龍潘金蓮」而為人熟悉。她在2021年離巢後轉行做餐飲行業，分別在日本餐廳、海南雞飯店打工，落單、上菜、清潔，甚至連斬雞都一腳踢，落力工作賺錢。多次傳出財困的梁茵，早前就透露想開食肆，甚至表明已經儲夠錢？
梁茵突然富貴？
梁茵離開TVB後，經濟狀況一直都不太好，過往她曾揚言銀行戶口只有個位數，甚至被人拖糧，令她陷入財困。近年她除了投身飲食業維持生計外，又轉做KOL保持曝光率，梁茵透露收入方面雖然浮動，但有增長。最近梁茵出席活動時，提及有意與友人合資在港開主打外賣的食肆，她更表示已儲了7位數的資金，似乎想在飲食界大展拳腳！
↓↓點擊放大查看梁茵的相片↓↓
梁茵瓣數多
梁茵在拍劇期間，曾兼任金融從業員，2019年時又與友人合作經營健身室，現時她以KOL身份接洽廣告工作，又會直播帶貨，瓣數多多，看來將迎來事業的高峰！
↓↓點擊放大查看更多梁茵的相片↓↓
圖片來源：IG@kikoleungyan、TVB
同場加映：25+美肌研究所 最新影片
羅雪妍做瑜伽老師
早前Uki在社交平台上拍片分享一日工作實況，並寫著「演員/瑜伽老師雙職的朝9晚6」，原來她除了是主持及演員外，更是一名瑜伽老師！片中先記錄Uki回電視城拍劇，拍完劇後就馬上回家更換運動衫，並出發教班，Uki指自己主要到學校教中學生瑜伽，身兼多職的她相當厲害！
↓↓點擊放大查看羅雪妍一天工作的相片↓↓
曾大爆拍劇選角內幕
入行近5年的Uki，曾拍攝不少劇集包括《痞子無間道》、《富貴千團》等等，但當中只充當閒角，戲份並不算多。Uki不時與網民分享工作的趣事，早前她就大爆TVB藝人獲得劇集角色的內幕！
↓↓點擊放大查看更多羅雪妍的相片及選角內幕↓↓
圖片來源：IG@ukilaw、小紅書@羅雪妍Uki Law
「書蟲」林浩文宣布離開TVB
現年33歲的林浩文在劇中飾演「島大學生」書蟲，其後加入「天才聯盟補習社」，可惜因「佐治（George）」張明偉、「熊心如」蘇韻姿離巢，補習社劇情線被迫結束，後來就被投閒置散。林浩文更曾需要揸的士維生，不過早前他就在IG撰千字文宣布離開TVB，表示命運又一次要轉變，去一個充滿問號的環境：再見TVB，再見我嘅貴人們，我哋江湖見👋🏼🔥。
舞蹈員出身曾揸的士維生
舞蹈員出身的林浩文在2013年加入TVB至今，演出過不少劇集，但被人留下印象的作品不多，最為人記得的只有「書蟲」一角。被投閒置散後，有網民曾發現他成為的士司機，而林浩文當時就表示不會放棄追夢，做的士司機可觀察人生百態，更有助投入角色，增加人生閱歷。
與邵珮詩秘密拍拖4年
邵珮詩與林浩文早於2020年4月俾傳媒踢爆拍拖，曾經被影到低調拍拖行超市，其後女方更曾以圈外男友形容男方。邵珮詩貴為2014年香港小姐冠軍，入行後影視作品不多，但就曾經收穫另一半，與當時仍然是TVB舞蹈員的林浩文擦出愛火，兩人低調拍拖，亦曾默認雙方關係，可惜在2022年向傳媒默認分手消息。
林浩文原文：
係2006年有一位小朋友冇夢想冇目標，只係識得係屋企打機🎮，但一次機緣之下比佢接觸左舞蹈，當時佢亦都冇諗過要有任何目標，只係純粹鐘意跳舞，但命運就係咁，冥冥中總有安排。
佢一直有好多貴人教佢比機會佢，慢慢係佢17歲果年迎來第一次在TVB表演嘅機會，佢拼盡全力去練習，唔想白費呢次機會，而佢嘅努力冇白費到，好順利咁完成表演，亦帶來第二次…第三次…甚至更多機會，而佢不知不覺係TVB愉快咁渡過3年，係呢3年亦學習到好多技巧，但如此同時呢3年所學習嘅技巧原來係為咗將來嘅一個轉變，而呢個轉變就係要去一個更大舞台，而佢呢次要挑戰嘅係有「舞台王者」之稱嘅郭富城演唱會。
而佢得到呢個機會，佢比之前更努力更用心，亦成功站穩陣腳，亦開始在演唱會呢個大舞台發光發亮，直到2017年某一日係佢耳邊有把聲音同佢講，不如試吓演戲，去報藝員訓練班啦。佢相信呢個聲音立即填表提交，好幸運地又一次再返TVB呢個大家庭，但今次嘅身份唔再係舞蹈員，而係演員。
以前佢以為演戲係一件容易嘅事，入訓練班用返以前學過嘅嘢就搞掂啦，但入左訓練班後先發現，原來曾經所學嘅技巧好似全部都用唔到，但又唔係完全用唔到，所以佢不斷去跟身邊不同嘅人學習，希望能夠好似以前咁做每一件事都充滿信心揮灑自如，而係呢個過程中佢亦學識唔好自滿。
而不知不覺又已經過左7年半了，呢7年半亦有好多貴人幫助同比機會呢位小朋友，而呢位小朋友亦衷心感激曾經幫助過佢嘅人，雖然佢好少掛係口邊，但佢默默記住曾經幫過佢嘅人。🙏🏻🙇🏼♂️命運又一次要佢轉變啦！去一個充滿❓嘅環境，佢唔知將來會好會壞…但經歷過嘅所有野都會放在心中，佢好希望有機會再同大家係一個更好嘅時光再相遇。再見TVB，再見我嘅貴人們，我哋江湖見👋🏼🔥。
來源：IG@林浩文
原文：港生活
