立即下載 U Lifestyle App
33歲的TVB女藝人吳嘉儀（阿七）入行多年，憑著《開心無敵獎門人》中擔任獎老而打開知名度。去年8月與圈外男友結婚，不過新婚數月感情便亮紅燈，阿七疑似在社交平台上公審老公，婚姻關係一度相當緊張。日前她突然宣佈懷孕消息，不過原來只是一場烏龍。
吳嘉儀阿七宣佈懷孕？
吳嘉儀昨日（16日）在社交平台無預警公佈懷孕消息：「Hello BB 👶🏻🩷#冇見一排個肚大咗 😊#2024#仲有幾日...」，她亦拍片晒出孕肚。不少網民亦有留言祝賀：「恭喜晒呀七😍」、「原來係咁🤣恭喜晒」。但其後她再出PO澄清「劇造型making of嚟，頭先連隨下個post出返d BB拍攝花絮宣傳吓套劇咋，點知IG hang機....多謝你哋預早祝福先🙇🏻♀️🙇🏻♀️🙇🏻♀️💕唔知點收科呀」，表示原來一切都只是為劇集宣傳，但因技術問題另一個貼文未能準時發佈，搞出烏龍事件，令網民集體炒車。不過阿七亦表示感謝各位的祝福，如果真的成功懷孕，一定會立即通知大家。
吳嘉儀疑被老公欺凌無家可歸
吳嘉儀與男友Leo（豬仔）結婚近4個月，早前阿七則在Instagram限時動態大呻：「最好我養埋你供埋樓但寫你名。」隨即引來網民猜測疑似鬧Leo吳嘉儀在限時動態中指自己「I m not OK，but I can survive.」，引起外界揣測疑似公審老公！她還指：「 又唔係未試過被改密碼鎖無家可歸 ，又唔係未經歷過比人成衣櫃衫掟出大門 ，要求認真反省其當欺凌作玩笑的性格問題。」
吳嘉儀大呻：抖啖氣都有困難！
阿七似乎大受委屈，相隔數小時再上載限時動態表示：「唔好講幸福喇，連抖啖氣都有困難，你要斤斤計較係你品德問題，唔好逼人順從你果套。 」她續寫：「我洗自己賺嘅錢對自己的家人、朋友好有咩問題？ 最好我養埋你供埋樓但寫你名。個個星期叫我諗去邊，入場費、parking又唔想畀，我比ok呀，叫你揸機影張相就黑面hea撳，其實撳幾個制又唔駛錢嘅，駛唔駛咁嘅態度先 ? 最嬲係：日日都對住啦，駛咩維繫感情呀？（態度輕佻）」。
現年34歲的陳雅思（Bonnie）與是馮盈盈、劉穎鏇是同屆競選的香港小姐，當時奪得季軍後進入TVB主持節目《港生活·港享受》、《歎得好健康》，因驕人身材而受到觀眾關注。她在2020年離巢後低調下嫁富三代，榮升「千億孫新抱」。早前她無預警在社交平台宣佈榮升準媽媽的懷孕喜訊！
16年港姐季軍陳雅思宣布懷孕
日前陳雅思在社交平台公佈懷孕喜訊，寫道：「first came love, then came you 🤍」，並配上與老公郭孟浚在沙灘上的合照。相中二人都是純白裝扮，郭孟浚從彼擁抱Bonnie，兩公婆面上均帶著幸福笑容，Bonnie一身白色長裙，巨肚已經相當明顯，不過她就未有透露懷孕幾多個月。
榮升「千億孫新抱」
陳雅思於2020年正式離開無綫，淡出幕前演出，並投入瑜珈、心理健康的事業。翌年她與男友郭孟浚結婚，據了解男方是馬來西亞首富、「亞洲糖王」郭鶴年的孫子，目前是一名DJ，是名副其實的富三代。Bonnie在婚後亦榮升「千億孫新抱」，但仍保持低調生活。
單文柔(Phoebe)與陳展鵬在2018年結婚後誕下囡囡豬比，最近二人一直屢傳生第二胎的傳聞，早前Phoebe在社交平店曬出一系列郊遊照片，當中Phoebe身穿鬆身遮肚衫再惹二胎傳聞！
單文柔寬鬆衫遮肚孕味濃
早前單文柔在社交平台貼出一家三口出遊放風箏照片，並配文:「這個超級忙碌, 變化莫測嘅10月11月，終於過了❗️第一件事回歸大自然，吸收吓大自然嘅磁場，Yeah ❗️I Am Back 😁」而相中的Phoebe就身穿寬鬆衛衣，雖然她四肢依然纖細，但遮肚造型令她看起來孕味濃，未知是否再有孕，為五歲囡囡豬比添細佬妹？
單文柔Halloween扮吸血鬼 疑暗示第二胎喜訊？
早前陳展鵬在社交平台發佈萬聖節Cosplay造型，陳展鵬與單文柔將全臉化白眼框塗黑，化身冷面吸血鬼，陳展鵬其後再發佈囡囡豬比的萬聖節造型，戲稱吸完血都會生BB：「細個嘅時候好多人話嘴嘴會生BB，有冇人聽過吸完血都會生BB，明明萬聖節要扮恐怖，但係都要玩反差，唔通真係負負得正」，有網民根據配文猜測單文柔再有孕：「係咪即係暗示太太有咗BB😅」
單文柔自爆keep fit防被追問有喜
外間一直都猜測二人何時會再「造人」，為小豬比添弟弟或妹妹，不過，兩公婆遲遲未有好消息公布。早前單文柔卻在IG分享了一條做運動的片段，跑步、舉重等運動做過不停十分落力。如此勤力去做，背後卻有一個重大原因，單文柔自爆：「我一直都很佩服有自律keep fit 朋友，因為我做運動都比較隨心，冇太認真專注keep fit 這個點，但今日開始我唔想再畀人問我係咪有咗。」
