U GO搵好去處
社群打卡攻略
下載 App
天氣清涼漸有秋意，體感溫度舒適但皮膚卻開始唔適應，因轉季而引伸嘅肌膚問題開始浮現；事實係唔同季節氣候就要換上唔同功效嘅護膚品先至能夠加強保養力度。加上25+輕熟齡肌膚狀態開始唔穩定，真係要慎選護膚品。
啱啱踏入25+嘅美編Euphemia最近亦為咗入手轉季用嘅護膚品而去到九龍灣德福廣場，場內齊集超過30個美妝品牌，真正幫妳一站式入手需要嘅護膚品及化妝品！立即睇睇美編今次推介嘅護膚好物！
推介1：抗衰老精華 @ Estée Lauder
護膚最重要嘅係用啱精華，今次就專誠推介本身都有用嘅Estée Lauder「升級再生基因修復精華」。升級版用上基因訊息協調技術，可激活年輕細胞及膠原蛋白新生，擊退多重初老跡象。
只係需要1滴管份量，皮膚就已經感到水潤光澤，飽滿透彈。連續用3星期feel到皮膚回復緊緻，之前用過1樽，毛孔顯著收細，皮膚睇落健康又年輕。
Estée Lauder升級再生基因修復精華 75ml
適合所有膚質使用，通過皮膚科醫生測試，唔會致痘或堵塞毛孔。粉刺肌膚都啱用。
Info
Estée Lauder
地址：德福廣場1期G76號舖
推介2：幫肌膚打好底子 @Rituals
如果肌膚底子打得唔好，無論搽更多嘅護膚品上面，都好難好好咁吸收到當中嘅養分。所以我立即去入手Rituals嘅「Glow 肌底精華液」，幫助到後續護膚品吸收之餘，亦有助恢復自然水分平衡。除此之外仲買埋「Glow面部護理油」，話晒已經25+真係要好好保養以防初老跡象。護理油內含100%天然成分，包括有效舒緩肌膚嘅聖約翰草油，減少細紋及皺紋。
The Ritual of Namaste Glow 肌底精華液 150ml
倒3-5 滴於手心中，磨擦至溫熱後塗抹於面及頸。配方可被快速吸收，讓肌膚感覺水潤柔軟，為後續護膚程序做好準備。
The Ritual of Namaste Glow面部護理油 30ml
有效預防初老跡象，煥發肌膚光澤。配方輕盈能輕易被肌膚吸收，建議每日使用兩次。
Info
Rituals
地址：德福廣場1期G78B號舖
推介3：乾燥敏感肌救星 @Neal's Yard Remedies
秋冬天氣乾燥，本身靚靚肌膚都有機會乾燥至泛紅甩皮出事。防患於未然立即去Neal's Yard Remedies買返支「乳香緊緻水凝肌底精華液」，以頂級乳香、沒藥及紅石榴等有機植萃成分，加上極速滲透肌底嘅高效配方，有效為皮膚提供保濕及修護，更可以加持後續保養品嘅吸收。為怕乾燥到過敏，梗係買埋「高效抗敏修護精華」，內含透明質酸、永久花萃取及海水萃取，可促進細胞修復，有助減少細胞嘅炎症水平，立即紓緩皮膚乾燥，並隨時間流逝減少皮膚發紅。
Neal's Yard Remedies乳香緊緻水凝肌底精華液
臨床實證，用後保濕可長效至24小時，更有8成用家認同用1星期後膚質有明顯改善，變得柔滑光澤。
Neal's Yard Remedies高效抗敏修護精華
根據106名女性消費者試用測試，每天早晚使用，認同使用後皮膚立即感到水潤及舒緩；使用2星期後皮膚較少過敏，肌膚更健康。
Info
Neal's Yard Remedies
地址：德福廣場2期319號舖
推介4： 25+之精緻保養 @XOVĒ
踏入25+輕熟齡階段，一不小心肌膚狀態真係Drop得好勁，為免去到谷底先識得後悔真係要保養及時。要更精緻地好好Pamper自己，梗係去XOVĒ入手高貴嘅白松露賦活肌修護系列。當中嘅「白松露賦活肌源修護液」更加係人氣No.1。富含修復再生力量嘅W-TruComplex®白松露活肌修復精萃，如液體網一樣同後續護膚品疊加緊扣，將養分滲透肌底，深層滋養。同時亦入手「白松露活顏煥肌面霜」，當中有200多種白松露萃取活性因子，可深層滋養肌膚，對抗鬆弛，緊緻肌膚及輪廓。
XOVĒ白松露賦活肌源修護液 100ml
白松露活肌修復精萃有效賦活及修復肌底細胞，鎖緊水分，強化肌膚防禦屏障。亦可激活膠原及彈力蛋白增生，撫平皺紋，重塑飽滿緊緻年輕美肌。
XOVĒ白松露活顏煥肌面霜 50ml
成分中嘅白松露萃取活性因子多達200幾種，可以為肌膚提供再生養分。加上專利複合肽修復能量，可以強效撫平皺紋。植物萃取強韌因子，有效調節細胞水分，維持肌膚豐盈彈性。
Info
XOVĒ
地址：德福廣場1期G8號舖
推介5：秋冬妝物入手之選 @SOFINA
天氣轉變就連化妝品都換季！秋冬天氣好易令肌膚水油唔平衡從而令皮膚勁出油，唔想秋冬「外油內乾」嚇親人嚇親自己，就要去SOFINA入手2大皇牌產品急救一番。首先入手iP皇牌 No.1嘅「肌底精華土台美容液」，用上專利碳酸科技做成泡沫狀嘅高濃度微米碳酸精華，幫肌膚注入水分及氧氣，肌膚血管力瞬間提升 3.6倍，令後續精華滲透量高達 1.9倍。毛孔變成細緻平滑且有光澤。而化妝品就選購咗「Primavista持久控油底霜」，for超油性肌用，採用非常強效抗汗・抗皮脂嘅Keep Dry配方，配方透薄輕盈、唔黏膩唔泛白，有效消除臉部油光。妝容更緊貼。
SOFINA土台美容液
泡沫狀超易用，除咗養分直送肌底，仲有效促進肌膚細胞代謝循環，同時排走老化物質，推動肌膚進行自我修護。
SOFINA Primavista持久控油底霜
有皮脂煩惱嘅超油性肌人士最啱用。當中蘊含嘅皮脂固化粉體有效加強塑造啞緻效果，令粗大毛孔變得細緻，妝容時刻保持清爽。
Info
SOFINA
地址：德福廣場2期320-321號舖
Source: 德福廣場
